以下是我自己發神經,用台語還有很多的台灣黑話,翻譯出來的,8+9版本出師表,和諸葛亮的出師表意思差不多,大家可以對照看看,博君一笑(完整的諸葛亮出師表在底下):
亮叔共你講幾句: 恁老爸劉備當年出社會走跳,半路上著曲去;現在道上插旗成三塊了,益州這馬嘛是剉咧等 ,這公司真緊就欲規組害了了矣。但是你恁老爸保留的攏總嘛是真正有正氣的兄弟,出去輸贏的馬仔攏總嘛是毋驚死的,遮的攏是看著恁老爸予兄弟錢、猶有去菜店予兄弟開查某,這馬想欲報答爾爾。
我向望你這馬就皮就繃較絚咧,完成恁老爸的心願,予兄弟出一口氣;你若是欲食毋討趁、註定是一世人抾捔啦,袂當予兄弟看你無。
你厝內共公司內底的代誌,攏是做伙的,應該姦撟啥人、應該處份啥人,代誌若是處理有平棒,就無尻川後話通講。;浮浪貢的,凊彩予人搖旗的,正氣有二步七仔的,一切攏愛按公司的規矩來行才會使,應該剁手的剁手,有二步七仔的心意愛夠,兄弟才知影你對逐家攏是仝款的,仙都毋通大細心,較免予兄弟怨嘆袂煞。
小郭,小費,小董,這幾个兄弟攏是優等的,in代誌攏處理甲誠好勢,恁老爸特別看會起,阿叔想講公司內底的大細項代誌攏總交予in做;
老向是一个好人,伊是真腳數,會使拍會使刣,恁老爸講過「伊誠gau」,真正無法度就共伊牽成,阿叔感覺刣人的代誌攏放予伊做。一定會當四界插旗,了後無人敢惹咱的地頭。
公司拄開張無偌久,生理好甲嚇嚇叫的時陣,就是一直運動甲組,處理阿四菝仔的跤數
,了後是按怎輸甲脫褲,就是身軀邊攏是一陣干焦會曉講艋舺話的跤數——恁老爸逐擺跟阿叔開講的時陣,逐擺攏講著氣甲捶心肝。
猶有遐的侍中、尚書、長史、參軍,攏是阿叔換帖的兄弟,一定愛信任in,阮的公司的將來包領趁錢趁甲削削叫。
阿叔本來是一个作田人,佇南陽有一地田,佇這个人佮人輸贏的時代,阿叔不想刣人,只希望莫予人刣就阿彌陀佛啊!。恁老爸毋甘嫌阿叔是一个滷肉跤仔,一工到暗走來阿叔兜,問阿叔欲按怎開公司,恁老爸講的話予阿叔真感心。恁老爸辛苦奮鬥,阿叔嘛鬥艱苦有著,佇社會四界插旗佮人輸贏。了後公司予人搖旗,阿叔拼死佮人輸贏,到這馬已經二十多年矣。 恁老爸嘛知影阿叔我做代誌較細膩,所以恁老爸曲去進前把佮大代誌攏予我處理,自你做新
|