太子站猛鬼真的假的？

何壽

	在下看到有網媒主持表示太子站很猛鬼，可能跟831事件有關，希哥有沒有看過啊？

馬仔

	本身個位係大十字路口，非常聚陰

yinghey

	呢排我無去過太子站，所以出現嘅異像係唔係同８３１有關我唔肯定～但肯定嘅係～太子站不嬲都好猛鬼～ 近日我都有留意網上啲片段～睇過大紀元一段短嘅～有老友同我分享啤梨晚報嘅片段～兩段片我都睇到係有野～ 【9.13中秋節太子】通靈阿婆肯定的說：她看到多個穿黑衣的冤靈。 個阿婆就話見到好多黑衫嘅，所以就形容到可能係死左嘅示威者～不過我就咁睇佢呢個樓梯口段片，就見唔到佢形容嘅三個，只係見到一個～截圖中圈住大門旁嘅我能力只係見到有團黑氣係度～感覺雖然係有怨氣～但似乎唔係留左係度一日半日，係好長時間嘅野黎～至於另一處我圈左魚眼鏡～係因為當段片播緊時～塊鏡反映出嘅係一堆堆白色嘅氣不斷由地板衝上去～咁係表示有好多老友走緊上黎梯位～ 當日係中秋～而之前好多人做過路祭～所以招惹左成區嘅「兄弟」聚攏係呢個出口～靈力高嘅人見到好多好猛真係一啲都唔出奇～

yinghey

	馬仔 發表於 2019-9-21 22:25 本身個位係大十字路口，非常聚陰 凡係地底嘅地方都一定有～只係最近大家負能量多～而呢排係站口悼念同燒衣、加清場時恐懼感嘅能量都一次過聚埋哂～ 仲有大忌就係個出口就係差館黎～幾多工作、證物同命案有關～咁點會唔多？只係話呢回招惹到嘅好多都唔係善男信女～至於係唔係同８３１有關～ 我唔確定～不過又咁講～如果因事故有人昏迷嘅個啲～市民咁樣做有可能會害到佢地～本來可以早啲返去肉身～都因為太多負能量聚攏（即路祭）令佢地有可能隨時真係無命

yinghey

	啤梨頻道 啤梨晚報 20190919 Part 3 啤梨晚報直播太子站英魂顯靈事件/靈界師傅：831最少兩義士慘死 呢段就係啤梨晚報主持之前做過太子站現場直播探靈後再分析當日直播見到嘅野～因為搵埋師傅去度風水～出現沉針嘅狀況就知道唔方好野～沉針可以話係怨念最大～最難驅走～ 我從片中係見到有一團黑氣～帶住唔多善意～唔太肯定係咪因８３１事件而死嘅～只感到佢怨氣唔輕 呢度係佢翻拍嘅地面～我睇到只有一個示現～其他都只係一堆堆氣～近門個位「兄弟」一定唔係小兒科～惡鬼黎～ 佢呢張都未曾講述～我一睇就起哂雞皮～之後每睇一次就起一次～就係因為呢堆「兄弟」怨念大得很～負能量好勁～不過又咁講～佢地係因為路祭影響下出現～而且唔一定係從８３１事件中黎～我只能夠話佢地當中係有「兄弟」示現出黎，表示佢地有怨念唔收呢啲祭品～意思即係「我有冤，要搵人伸，直到有平定一日，我先會心息」，但並冇表明就係當日嘅事故～ 講埋呢張～佢地就話直播時有網民話藍圈個位有野～但我無論睇佢幾多張相（節目內分享唔同角度）都感覺唔到呢個位有咩野～反而樓梯橙帶個位就真係有一大團黑氣～即表示唔止一個存在～左上方個出口位就有一個白色～似係新魂路過～ 佢地就有提及呢個出口被港鐵班契弟封左兩層板似係形成左個結界～我好肯定咁話～港鐵班契弟邊識風水丫～佢地先無咁叻～擺明係唔覺意整左出黎存心靠害！總之呢個位封左之後～就一定陸續好多怪野出現～我懷疑呢個出口方位本身就係靈界通道口～而家封左就只會聚埋更多負能量～我係擔心佢第日進行維修時容易出意外害死人啫～

關二哥

	yinghey 發表於 2019-9-22 05:43 啤梨頻道 啤梨晚報 20190919 Part 3 啤梨晚報直播太子站英魂顯靈事件/靈界師傅：831最少兩義士慘死 831所謂「死人」無證無據，只會令抗爭行動出師無名。

yinghey

	關二哥 發表於 2019-9-22 13:52 831所謂「死人」無證無據，只會令抗爭行動出師無名。 呢點我認同～一日未搵到確實證據都好難講得明白係唔係真係有人在運動中死亡～ 至於相信太子站猛鬼嘅事～或者我補充多少資料啦～ 太子站本身個座向同設計係容易聚煞聚陰～一黎係主要出口就係警署～警署其中一樣野用黎做乜？查案放證物同擺證供～咁樣黎計乜鬼都會聚集係警署希望有陽人幫手為佢地尋冤得雪～所以地鐵站無形間會成為佢地嘅生氣口～如今畀港鐵班傻人封左～咪即係等如我走難時被人斷左出路～咁往後將會發生咩事呢？我唔敢保證喇～ 二黎地鐵站沿住深水埗明渠起～只因太子站興建就由明變暗～所以以前大家成日都話太子站有臭味～就係個站同條渠只屬一牆之隔～形成嘅味煞同水陰煞～係會好影響整個空間嘅氣場～容易藏污納垢～所以留低嘅「兄弟」根本就唔係善男信女～稍為時運低嘅就好容易中邪～ 三黎係呢個區域嘅歷史背景～當年日本人殺入黎必經之地～而且聞說日佔時期附近一帶都係殺人或放屍體嘅地方～鄰近又係深水埗軍營～係當年集中營之一～死得人多自然形成怨氣重重～

關二哥

	yinghey 發表於 2019-9-22 15:46 呢點我認同～一日未搵到確實證據都好難講得明白係唔係真係有人在運動中死亡～ 至於相信太子站猛鬼嘅事～ ... 睇嚟要起間教堂、廟宇鎮壓吓

yinghey

	關二哥 發表於 2019-9-22 20:34 睇嚟要起間教堂、廟宇鎮壓吓 搬警署較實際

何壽

	弄成煞局有甚麼好處？他們為什麼如此惡毒？！！