石澳海神廟年紀好輕,只有44年歷史,位於石澳泳灘角落處,係一座小廟,格局好似赤柱嘅水僊古廟~
海神廟基臺上建築~旁邊有一塊碑紀錄左建廟嘅事~唔講唔知~我早就知道呢個海神~其實係石澳灘上一隻女鬼~後來有傳石澳健康院主席甄球先生係海灘執到個木雕~竟然係個阿拉伯女像~於是建廟供奉~從此居民就唔再見到女鬼~而海灘上仍然有唔少溺斃事故~直至90年代稍為減少~
碑記全文
石澳位於港島之南,風景幽美,海灘廣闊,誠屬消暑勝地,且以水清沙幼,於春夏之間,不少弄潮兒來作泳客者,每於風雨晨昏之際,偶見一女子束髮縞衣,明艷照人,出於滄海之濱,居民恆常見之。然而,近之則隱,遠之則現,蓋其為海神焉。本屆健康院主席甄球先生聞之,乃向政府申領官地一幅,並獨自斥資興建廟宇,使神有所駐足,以護泳者,抑亦信女善男得以拜祭,廟成之日而請記於余。余素仰甄先生生平樂善好施,此次興建海神廟,亦是出自慈善心腸,足見仁者之風,遂以刻石以誌之,以使永垂不朽。
石澳居民協進會 葉全 劉庚保 謹識
一九七五年歲次乙卯仲秋 吉旦
南丫島人都會將香爐放出黎~叫做天公爐~係漁民特色~海神廟都一樣有~
網路圖片搵番黎~呢位就係海神~聽聞呢個係複製品(分靈)~原像供奉於甄先生家中~
今日天氣都幾熱~上到黎已經身水身汗~當時我先睇個碑文~然後先入廟順道添香油錢~個陣就已經覺得左邊身有寒意~之後我就讀出碑文內容~呢股寒意就更明顯~因為呢座「海神廟」,實質係座陰廟(拜鬼)~所以先會感到寒意~不過無所謂啦~最重要都係庇佑到泳客嘅~鬼嘅都會積德~
聞說曾有人聽到一把女聲提佢小心~結果過馬路時差啲遇到意外~事主當時以為係女朋友提佢~結果唔係~我睇完就認為係呢位女海神出手~