石澳

yinghey · 發表於 2019-9-6 21:53


	老友都知道我鍾意於香港四圍行～不過好奇怪～去左咁多地方偏偏未去過石澳～趁今日天氣好番啲就過黎走一轉～不過因為舊年山竹颱風吹襲石澳部分景點受到破壞～今次想去嘅去唔成～因為做緊工程～而且仲要唔知幾時先可以修復過黎～石澳泳灘分兩個，呢個係正灘，仲有個後灘～今次去唔到後灘～假日一定好多人～不過咁～石澳海灘因為風浪都幾大～過去多年都有唔少溺斃嘅意外，大家有興趣可以上以下呢個網站～有部分紀錄 http://cyberxfiles.com/cyberx/m_cx_view_xfilepage.php?id=608 從海神廟上面拍落黎～係呢度遇到其他野～於永享堂再分享另一座廟係天后古廟～匾額重修時唔知係咪啲字復修唔到～所以唔係太知道實際年份～但從廟內刻記知道１９２９年同１９８１年都重修過～而２０１１年亦做過木樑置換工程～兩進式建築～完全由民間自費～如果係三進～就係有官家～例如舉人以上級別身份嘅村民～先可以起三進廟宇～而家由華人廟宇管理委員會管理～以前就應該係居民協進會打理～有關中華巴士嘅印記～就係呢座有份量嘅石澳巴士總站～而家係有級別嘅歷史建築～六十年代石澳道入夜係好危險～為左方便車長第二日可以準時開頭班車～成個車站就設置宿舍畀站長同車長～成為唯一嘅景象～簡約務實嘅建築～成為巴士業歷史最重要嘅一部分～當我想拍全貌時～咁岩架９號車入站遮哂～全貌唯有用網路圖片頂啦～另一張就係我從車上影～如今個站長室應該無乜用～文新學校～係傳統鄉校設計～對面係石澳健康院～所以道路正門有座大牌坊～山竹襲港時健康院一帶受災嚴重～而家後面一帶滿目瘡夷要大重修～