初四亥時至初五辰時,係我返通宵更嘅時間~整體黎講~算係咁喇~真係冇見到~但聽到!
凌晨12點幾~當時坐係中心崗位用緊電腦~身後就係一個幾大的空間~平時係啲仔開組、食飯嘅地方~剛巧我前方床位有個叻仔要去廁所~我望一眼就繼續對住電腦~身後突然間有一堆,係,係一堆人嘅咆哮聲~我當堂嚇到打哂冷震~即刻擰轉身望後面~乜都無~咁我就以為係街外~就四圍巡下望下~我又入埋廁所問個仔係咪叫我~佢都好出奇話「無呀」~
由於中心後面係街市~呢段時間街市都做緊大裝修~而對住我地中心後門嘅地方亦係街市後欄~入夜後根本無人會逗留~但我好記得~啲咆哮聲好重回音~而且唔止一個人嘅聲~係一堆~
不過就只係一下~好短暫~聲音根本就唔知邊度黎~
|