2019年8月2日,是為七月初二,鬼月的第二天。
從早到晚,經歷了三段各樣的靈異事情~故事開始了~
話說今早5點50分就要起身梳洗~趕及7點鐘要返到公司~通常6點15分我就已經可以坐定定食早餐~由於仲好早老爸未起身~為左唔好嘈醒佢~通常我都唔會開電視~對住個窗坐低一邊望下寧靜街景一邊食野~講下樓下條街丫~望到盡係個路口~設置左個化寶區~右手邊就係迴旋處~化寶區後有個方型郵筒~拍住大廈牆身放左個垃圾筒~晨咁早~通常無人會停係個處~不過我望望下就突然見到郵筒邊有個黑白色嘅物體企係旁邊~望真啲係白衫黑褲嘅人企左係度~初初無乜為意~但望多兩望就突然產生左個疑問~我見呢個係成年人~個垃圾筒高度同佢一樣~按照比例~咁佢咪好矮囉?於是我想確實一下就企起身望~點知發覺個處根本就無人~無理由架~只係一眨眼時間~我視線又無離開過窗~企起身都係望住同一位置~點會咁快唔目左呢?周邊無遮掩之地~個郵筒都唔會遮得哂個人架~當下就知道見嘅實體並唔係人黎~
朝早時份~工作中~在宿舍~出面落緊大雨~室內就算開燈光線都唔多充足~行經一間閂左門無開燈嘅房~眼角望到有個實體人樣趴左落房門個玻璃窗~我以為有學員匿左入去~正想開門入去捉佢出黎唔准偷懶之際~一開門就發覺竟然空無一人~於是知道又係過客搞鬼~閂左度門就當乜事都無發生~
夜晚~家中~呢回就唔係撞鬼~係房內同神位~當時用電腦睇緊youtube片~睇睇下突然聞到一陣陣花香味~係好香~而且令人好暖心嘅味道~望下個鐘~9點幾~大廳度老爸仲睇緊電視~一切都好平常~當下都唔係幾理會~繼續睇片~睇完左一節~就行左出去斟水~點知又聞到呢陣花香味~望向神位~發覺呢陣味原來係放觀音像個位傳出黎~由於家中呢期無插花~我好肯定~神位無放置任何的花草植物~似乎係神明落左黎鎮緊野~呢一整晚好平安~唔似初一晚我係訓得好差~因為成晚都感覺有股唔多好嘅氣場係房度運行~