請選擇 進入手機版 | 繼續訪問電腦版
搜索
 找回密碼
 請即註冊
查看: 123|回復: 80

[鬼怪恐怖] 灣仔夜遊見鬼記

[複製鏈接]

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

發表於 2019-7-17 18:48 | 顯示全部樓層 |閱讀模式
7月13日,雖然我參加嘅係鬼故歷史團,借都市傳說包裝,實際係介紹灣仔的歷史~不過咁,平時睇得書多,資料話就係咁話啫,段歷史到底係點,竟然靠班「兄弟」印證到部分~令我對今次旅程好深刻~遊完各處之後,團友更有興趣知道我地遊歷嘅地方,我究竟見到乜,結果係地鐵站圍圈時就一五一十同佢地分享~同場其實亦有陰陽眼人士可以證實~

好啦~紀文思呢個老灣仔講左唔少野~我亦印證唔少野~而且係今次旅程更發現有趣嘅現象~究竟同啲鬼有無交感?就要好睇空間有冇連接起黎~今次竟然可以見到「平行時空」同「真正連接」兩種處境!好正!

由於旅程上唔畀影相,我就唯有從網上搵相片講下我當晚見到啲乜~

當晚行左唔少景點:灣仔修頓球場、灣仔舊街市、灣仔舊郵政局、聖方濟學校及光明街、洪聖古廟、南固臺及聖璐琦書院、日、月、星街及星街萬茂里伯公廟~

不折不扣的寫稿佬
回復

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 18:57 | 顯示全部樓層
修頓球場-開燈一個樣,關燈另一個樣

修頓球場可謂係灣仔嘅明堂位,20世紀30年代就已經存在。上圖左方就係戰後嘅修頓,而右方反而先至係40至41年仲未打仗前嘅修頓。在二戰時日本仔佔領香港時,係灣仔殺左唔少人,老街坊都知道修頓球場係一個屠場,專門畀日軍亂咁殺軍民。連同隔離原本係貝夫人健康院嘅灣仔區政所打人、毒針殺人等~呢個地方早就加添唔少怨氣~50、60年代,居民就傳來閂燈後嘅修頓球場,經常人頭湧湧~但永遠都聽唔到啲咩聲~就算聽到聲,或者都係啲慘叫聲~到80年代之後,看台男廁成日發生道友斃命嘅案件~猛鬼之說不逕而走~係呀~閂燈之後,除左觀眾都唔知係人係鬼~都總係坐無虛席,甚至見到打球個啲球,原來係人頭!(因為日本仔用軍刀斬平民頭嘛!)




千禧年代,政府翻新修頓球場,雖然設施多左靚左~但鬼故傳說似乎未有平息嘅跡象。更有趣嘅係~政府似乎都願意同鬼玩遊戲~係球場門口整個「破地獄」定「五鬼運財」嘅藝術圖案(仲要整成7個人仔,仲唔似日本法師落詛咒?!)~

當晚係修頓人比較旺~所以見人多過見鬼~



貝夫人健康院~戰前戰後都係健康院~日佔期間係灣仔區政所~負責日常民政事務同防疫工作~
不過所謂防疫~都好難講係真係假~有傳防疫注射係生化武器實驗黎~不過就算唔係~都唔知佢地啲疫苗質量係點~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

0

威望

484

帖子

288

W幣

威望
0
W幣
288
存款
0
讚好
6
LP
6

銅聖壽勳章四級名譽勳章

發表於 2019-7-17 19:07 | 顯示全部樓層
本帖最後由 米奇老味 於 2019-7-17 19:09 編輯

有冇試過俾「朋友仔」評頭品足?

回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 19:18 | 顯示全部樓層
米奇老味 發表於 2019-7-17 19:07
有冇試過俾「朋友仔」評頭品足?

有,個次係做緊野返通宵,畀個「細路」笑

不折不扣的寫稿佬
回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 19:43 | 顯示全部樓層
南固臺、山坡臺上的聖璐琦書院

如今南固臺雖然無被清拆,但去路已經被封,而家連門口都見唔到喇~呢座西式大宅~有指曾經係日軍慰安所~不過屋主杜仲文一直住到1943年病死為止~所以真係要做慰安所嘅~大有可能就係1943年之後~佢前面仲有座千歲花壇(館),90年代已經拆左~係戰前千歲花壇就係日本特務交流情報嘅妓院~

至於山坡臺上嘅聖璐琦先至係今次灣仔遊嘅主角~而家圖片睇就日光日白都暗暗咁~個晚係成條山坡臺都係無路燈~佢係條長樓梯,中間有個彎位~再上啲先至有燈光~竟然係書院崗亭嘅燈黎~但已經無保安當值~


一開始行個陣其實成條樓梯都有鬼~但初段至彎位嘅呢堆無乜惡意~甚至我地一行十幾人上去個陣,佢地讓路畀我地~係怕左我地啲陽氣~但過左彎位~我同陰陽眼人士上得較為近閘口位,就知道樓梯頂有堆唔係善男信女嘅鬼~我就見到一團團黑影~感覺到佢地帶有惡意同攻擊性,正警告我地唔好再上去~據知以前呢度曾經發生過掟人落樓嘅事故~03年時有班人去探險時就有女仔見到閘口上面個窗有人向佢揮手~嚇到佢地同行幾個都失哂控,要報警處理~到實地睇時我係幾驚喜~因為無估到間書院仲係度未被拆~亦印證到呢間野猛鬼嘅原由~可能係因為被丟空太耐~加上周圍都拆哂~呢帶本來好多樹可以供佢地修煉~而家只剩書院可以棲身~我相信入面應該有鬼王住係度~唔係就唔會係門口見到呢堆「地踎」~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 19:51 | 顯示全部樓層
灣仔舊郵政局



好有趣~間局唔係有鬼~而係講緊單鬼郵差~話說戰後郵局側門經常深夜出現一個郵差去派信~收到信嘅人通常都會收得一堆白紙~之後就會遇上不幸~輕則都係扭親跌親~重則被車撞死~或急病意外身亡~因為街坊一傳十~十傳百~一時搞到人心惶惶~

當晚阿導遊講緊呢單野時~我就見到側門有道氣出現~不過唔係個位鬼郵差~我反而更注視灣仔峽道上個條樓梯~叫做賢華臺,個處我見到唔少「街坊」~都係係樓梯坐下企下~似以前啲居民入夜出黎乘涼、閒話家常~就算係真正街坊行上去~都會不自覺穿過呢堆另類街坊~彷彿係兩個時空~但重疊於同一空間~

其實一啲都唔奇~如果你睇番50年代灣仔郵局嘅相片~就會知道賢華臺幾十年黎變化唔係好大~可能因為咁死左嘅老街坊都會返黎坐下~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 20:05 | 顯示全部樓層
灣仔舊街市~~賣人肉傳說



1945年《香島日報》報導~灣仔街市有肉檔賣嘅係人肉~負責人畀警察拉走~但佢嘅命運係點~無人知
之後就傳出灣仔舊街市好猛鬼嘅傳聞~無錯~舊街市時代個樣好陰森~加上經歷左戰爭附近死人太多~自然有呢啲故事~

而家街市已經變成豪宅個正門口~同當年陰森樣完全唔一樣喇~但就失去左古跡嘅意義~

愛德華時代包浩斯建築特色~簡約、直線~空間高且大,通風一流~係20世紀30年代簡約主義嘅代表作~而家香港剩低舊中環街市都係同風格建築~

按:呢處早已無鬼~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

黃名經濟發展協會

和親王

外交大臣

下議院議員

延興廣場總督

明政公所市長

11

威望

3萬

帖子

1497

W幣

威望
11
W幣
1497
存款
4587
讚好
269
LP
540

親王一級黃統建國大勳章金聖壽勳章銀聖壽勳章長期之杖中秋月兔狗年金幣

發表於 2019-7-17 20:18 | 顯示全部樓層
你真係去捧場

回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 20:27 | 顯示全部樓層
日月星街、聖佛蘭士街及光明街~
呢個係光明街休憩處,大家見到張相後面大廈左角落係有間油漆行~呢度其實無咩故事~導遊只係講緊聖方濟學校一帶戰前已經掘到唔少骸骨~懷疑就係鼠疫時因為燒唔切嘅屍體埋係呢度~當年灣仔近山了無人煙~係呢個地方~我當晚所見係好多「人」~啲「人」做緊乜?係油漆行門前排隊等買野嘅有~公園內行行企企又有~總之好多好多「人」~但同樣似係「平行時空」咁~佢地唔係好察覺到我地嘅存在~

日、月、星街「死」字?

傳聞話日、月、星連同附近共六條街,係地圖上形成個「死」字,令呢帶猛鬼嘅本身更顯陰森~不過更恐怖嘅唔係個死字,而係以下講嘅地方~

星街防空洞門口,伯公廟上紅布傳聞~


右圖係十幾年前嘅樣~盛傳隔離市建局重建工程完成後~為左遮醜而加塊紅布~但街坊就傳出話塊布係一位高人寫嘅暗符,目的係鎮惡鬼!無錯~係惡靈!左圖係而家個樣~無左塊布~唔知啲惡鬼仲會唔會出黎嚇街坊?

不如我講下當晚我見到乜~一啲都唔誇張~當我地黎到呢處,我從上而下望左一遍,喃喃自語話「咩事啊!」~我見到係好多好多白影、黑影,鐵架上同廟後都滿滿係鬼~導遊有提及~因為後面係防空洞~當年灣仔大轟炸~呢度都受到襲擊~洞口炸死唔少人~所以戰後街坊就夾錢起左呢座伯公廟一心想平息亡靈嘅怨氣~不過伯公力量有限~之後應該有唔少法師曾經黎呢度搞法事~

你以為搞完法事就無事?錯喇~我黎到此處時~呢堆怨靈嘅心態係:「又黎呀?!唔好搞啦~唔好理我地啦~唔想同你地傾呀,由得我啦~」佢地死得唔多甘心,而且怨氣好深~過去啲高人係想超渡佢地~但怨靈內心唔化又點渡得走丫~結果變成了劃出個結界圈住佢地~而家走又走唔到~陰氣就越黎越重~

從兩張相片比較下廟後個啲竹樹就知道一二,當年好似話係種黎隔住啲亡靈唔畀佢地出黎~十幾年前仲好壯~但而家就無用~好瘦削~啲竹尖仲發黃~似乎擋唔起煞~再種新嘅都唔會有用~只能話~佢地或者唔會傷害到人~但係佢地嘅負能量係對隔離大廈~尤其成日用呢個出入口嘅居民~精神或者健康會有影響~長遠的確唔係幾好~點解決?只好剷左後面座山同防空洞啦~當然~無可能~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

興寧黨

敬親王

大司憲

上議院議長

歷史文物局局長

8

威望

1萬

帖子

688

W幣

威望
8
W幣
688
存款
2865
讚好
173
LP
243

親王二級功績勳章二級慶寧藝術及文化獎章長期之杖中秋月兔

 樓主| 發表於 2019-7-17 20:30 | 顯示全部樓層
最後一站嘅東城戲院-全院滿座



而家已經變成東城大廈好多年~不過我都唔知係咪建築師開嘅玩笑~其實佢由地下至三樓~外形格局同當年東城戲院一模一樣~而東城戲院之前係萬國殯儀館~只係維持左14年就易手~座建築改建一下就用做戲院~自自然然就話猛鬼啦~盛傳個女廁有女鬼嚇觀眾~亦有話男廁見到繡花鞋~間戲院明明無乜客~但入到去竟然全院滿座~到底係人睇戲定係鬼睇戲?

我揀左東方影嘅呢張相~中間個門應該就係當晚我地駐留聽導遊講嘅地方~個度其實係上左一段樓梯再直行番落去嘅廁所黎~企係入面係特別凍,因為有冷氣~不過重點唔係呢度~而係當導遊講緊殯儀館同戲院嘅事跡時,我就感覺到有野係佢後面~但我睇唔到~只係感覺到~感覺到佢好似認同緊導遊講解嘅野~事後陰陽眼人士表示,當時係有隻野由地下走上來,企左係導遊旁邊~好奇聽緊佢講野~

當時我仲衰衰咁笑住望導遊~佢就窒一窒話「有咩好笑~唔准講我知」

按:因為當時導遊每講一句,後面就會噴一下好似醫院嘅消毒劑味道~事後有團友記憶都聞到,我就話~如果係因為廁所傳出黎~理應係持續嘅味道,唔會導遊講一句先噴一下~好明顯有鬼玩緊野~所以我先詭異咁對住導遊笑~

本帖子中包含更多資源

您需要 登錄 才可以下載或查看,沒有帳號?請即註冊

x
不折不扣的寫稿佬
回復 支持 反對

使用道具 舉報

您需要登錄後才可以回帖 登錄 | 請即註冊

本版積分規則

快速回復 返回頂部 返回列表