| 本帖最後由 紀文思 於 2018-12-13 01:56 編輯
其實我好讚成文太講嘅No deal is better than a bad deal. 我地香港人係1997年已經經歷過Brexit,然後戴卓爾夫人就同中國人傾左個very bad deal. A deal that is not in our national interest, weakens our economy, undermines our well-established systems, and a deal that not for Hong Kongers!
香港得到左中英聯合聲明。而英國得到嘅文翠珊方案就都幾自打嘴巴。文太之前一直講話會退出關稅同盟,而且唔會同歐盟有任何關稅同盟嘅嘢出現。但係文翠珊方案下,英國將會同歐盟建立英歐關稅同盟,雖然佢強調係一個Backstop,係一個臨時嘅方案。英歐關稅同盟之間有好多條款,而英國都唔需要繼續執行歐盟成員國對關稅同盟嘅所有責任。但係部分責任都要有嘅。例如,英國依然要履行啲稅務責任,跟隨翻歐盟嘅稅務準則,同埋商業,勞工法例。而且,英國仍然存在係關稅同盟裡面,不過係英歐關稅同盟,唔係歐盟內的關稅同盟咁解。而且英歐關稅同盟最慘係,英國係歐洲議會內無曬代表,就算被人搵笨,都投訴無門。前外相莊漢生話:‘For the first time of thousand years, this place, this parliament, will not have a say over the laws that govern this country’ (英國政府居然對英國法律嘅問題無得出聲,簡直係千年難得一見)
文太係國會成日話,脫歐後呢,英國可以拿回司法管轄權。但係,文翠珊方案下,歐洲法院(ECJ)對英國脫歐協定(Withdrawal Agreement )擁有解釋權。好似最近咁樣,歐洲法院裁定,英國可以選擇唔脫歐。最黑人問號係,英國人係兩年前公投左脫歐,如果哩個時候又話唔脫歐,你係咪玩X啲市民?
文太一直都話北愛地位不變,同不列顛三個國家地位一樣。係公佈方案之前,佢一直推銷話,英愛不會有硬邊界(Hard Border),同埋愛爾蘭海(Irish Sea)唔會變左分裂英國嘅海。但係,文翠珊方案下,北愛繼續留係歐盟經濟體系入面,歐洲貨物係北愛同埋愛爾蘭可以自由流通,北愛繼續留在歐洲單一市場(Single Market),使到英國經濟上分裂。
根據文翠珊方案,北愛雖然係英國一部分,但係北愛並不是在英歐關稅同盟裡面,而係繼續留係歐洲單一市場,繼續遵守歐盟嘅法律。北愛只可以硬食,直到新一份脫歐協議出爐,北愛先有機會真正脫離歐盟。哩個政策正正違反了May姐自己講嘅:北愛唔會有特別對待。而佢嘅方案正正就係打左自己一大巴。佢嘅方案背棄了英國,更加背棄左北愛。同時激到支持保守黨嘅北愛民主統一黨(DUP)表示唔支持文翠珊方案。
文太都經常講話,佢會確保英國退出共同農業政策(CAP)同埋共同漁業政策(CFP),奪回英國海域嘅話事權,確保歐盟漁夫唔會黎英國水域繼續打魚。英國人對佢地嘅魚有一份執著。1970年代,英國同冰島發生過幾次嘅軍事衝突,就係關於英國水域裡面嘅鱈魚(Cod)。係文翠珊方案下,英國水域繼續對歐盟漁夫開放,直至英歐簽署到一份互惠互利嘅方案為止。
雖然文翠珊政府話係Backstop plan,係臨時嘅。但係政府無對外公佈哩個plan嘅時間表,都無講到哩個plan之後政府會點樣,究竟係會退出英歐關稅同盟然後廢止Backstop plan,定係永續backstop plan呢?
最重要就係過渡期嘅問題。脫歐由2016年公投果日到2020年嘅年尾,有大概四年嘅過渡期。根據文翠珊方案,過渡期嘅長短係可以改變嘅,唔一定係2020年嘅年尾,但係只可以改一次,只要英歐雙方都認同有需要延長,就可以延長gah啦。姐係哩四年過渡期傾唔掂,英歐雙方同意的話,可以延長過渡期到2036年。
哩個就係大概嘅文翠珊方案啦 :)
| |