本帖最後由 米奇老味 於 2018-12-5 01:04 編輯
先此聲明,本文對社會,對香港民主,對協助中國打贏貿易戰絕無幫助。如閣下以拯救江山社稷為己任...sorly lor.
講返正題,話說老味有個朋友喺私人IG出咗個對人評頭品足嘅post,事後被評者及其友人不忿,紛紛指罵其行為。其中有人提到「私底下講咪算囉,點解要post喺個冇朋友嘅IG」
呢句說話不禁令我思考到底喺21世紀,網絡發達嘅時代,人到底仲有幾多私隱空間?先唔講我朋友「彈」人哋個樣啱唔啱,我只係想針對私人IG是否等同於私底下呢個問題。我唔知個私人IG有冇add被評者或者佢嘅朋友,如果有,咁我朋友真係笨實加個箍。如果冇,咁佢嘅post即係俾其他人share出去,但係佢嘅私人IG原意就係唔想其他人睇到,只係得最信任/最親近嘅朋友先可以add(利申:冇add我),某程度嚟講佢呢個post已經好私底下,要再往下推進可能只得返口頭上嘅說話,甚至喺心裏面諗先叫做私底下。
喺科技越進步嘅年代,人嘅自由就越細,尤其當權者可以利用科技監視市民一舉一動。就算好似上述故事咁只係班MK仔,MK妹圍內互罵(PS:呢句其實都好評頭品足,不過佢哋應該唔會見到,我諗夠私底下掛
),都可以令一個原本冇人知嘅IG Account公諸於世,難以想像報串者(如有)做咗幾耐無間道。如果連呢啲瑣碎無聊之事都有人做25仔,咁網絡世界仲有幾多嘢係可靠呢?所以大家以後上網都係小心至上,唔好講太多私人嘢,上鹹網記得去安全可靠嘅網站,仲要清理瀏覽紀錄/開無痕模式。
廢噏完了,晚安。