最近靈異經歷一則

yinghey

	話說公司因為服務需要，最近進行裝修前準備，整個星期幾乎都在搬東西。正所謂「大屋搬細屋，唔見一籮穀」。其實宣告裝修嘅今年真係無樣好，唔係同事家事、做野接二連三有事，就係ｄ仔仔離世，總之就係悲傷多過食飯～ 好喇～裝修一直押後，直到有日覺得大家都太黑仔～於是就拜土地同地主～希望大家平平安安～跟住奇事就發生～突然間落實到裝修日期～於是就開始搬野～不過我一向都清楚公司有ｄ地方其實係有野～搬野第三日～總算順利完成喇～臨放工～就去左某間一向都話有野嘅房～因為裝修關係～間房平日人煙都唔多～搖身一變成為我地嘅打卡房～個個返工放工都一定入去～原本雜亂無章嘅房突然變得空好闊落～ 就係我老細由間房出黎～到我入去個陣～度房門係無風、無人郁嘅情況下自動閂埋～因為我大件擋住左～我就推番開啦～點知就從玻璃處望見門後原來有個好兄弟用手「篤」道門！我喝左聲「定」～條友就突然消失左～ 好喇～一切如常～收工返屋企～返到去屋企無人～我就照樣放好ｄ野～同準備ｄ野去沖涼～係屋內行來行去～總係眼角望到有人係附近～甚至連廁所入面都有個人望住我咁～起初都無為意以為自己眼花～之後係廚房時又眼角望到～於是就好認真咁睇睇～原來就係個條友跟左我返屋企！ 我諗佢應該係寄身於間房一段時間～因為今次裝修搬野驚動到佢～而佢又知我望到佢下～佢就跟黎搵我「算帳」～其實佢跟我返黎又無乜野～又無所求～只係望住我～而我望到佢時～又唔覺得有乜需要理佢～於是我處理好哂所有野就去沖涼～我諗由我開始係屋內見到佢到沖涼～都有半個鐘～沖完涼返房前都仲見到佢～到我返到房用電腦～就無再為意佢～之後冇再見到佢出現～ 不過我相信件事係未完～因為今日收晚上１０點～返到黎屋企門前～我突然覺得毛管戙～走廊無人～但總覺得我身後係有「人」跟住我～我返到門前，回望出去走廊證實係空無一人～咁我就照舊開門啦～入到屋就覺得很平靜～似乎並無跟入黎～我當時係度諗～同條友又無仇無怨～跟我走都係無意義～又可以做得ｄ乜？即使佢可能會再出現我眼前～但我都係決定～唔～鬼～理～佢！

紀文思

	你咁大膽嘅 睇黎迎希唔係第一次

紀文思

	點解要叫定嘅

yinghey

	紀文思 發表於 2018-7-20 00:28 你咁大膽嘅 睇黎迎希唔係第一次 當我運滯時就會經常遇到～所以會習慣～

yinghey

	紀文思 發表於 2018-7-20 00:28 點解要叫定嘅 我當時個動作係拍一拍道門再喝一聲「定」～道門就唔郁而條友突然消失～可能我喝個一聲個氣場比較強～佢咪搵地方匿囉～但我無估到佢咁沙膽跟我返屋企～

仲尼

	放本聖經係屋企就乜事都無

紀文思

	yinghey 發表於 2018-7-20 00:30 當我運滯時就會經常遇到～所以會習慣～ 有無遇過d真係會整蠱你嘅？

紀文思

	yinghey 發表於 2018-7-20 00:32 我當時個動作係拍一拍道門再喝一聲「定」～道門就唔郁而條友突然消失～可能我喝個一聲個氣場比較強～佢咪 ... 如果係我 我應該會嚇到鼻哥窿都無肉

紀文思

	仲尼 發表於 2018-7-20 00:46 放本聖經係屋企就乜事都無 支持！我都覺得會無事

yinghey

	仲尼 發表於 2018-7-20 00:46 放本聖經係屋企就乜事都無 我又唔係信基督～擺本野有鬼用～