廣東話版《出師表》

關二哥

	（警告：內含粗言穢語） 我同你講：你伯爺撈世界撈到一半就瓜咗柴。宜家個場又分成三忽，益州又就快俾人掠埋，家下真係幾大鑊。好彩你老豆班o靚夠薑，劈起友嚟唔要命，你估佢哋為你啊？！俾面你老豆咋！所以唔好話我話你丫，係識撚嘅就的起心肝搞好個社團佢，咪搞到你老豆死都唔眼閉啊。唔好成日以為自己成隻狗咁，班契弟個個都睇你頭嘎，唔好俾面唔要面！ 屋企同場口都係你地頭，邊條冚家鏟唔識做就打柒佢，千祈唔好就住就住。下面班o靚見到就無晒嘢講啦。好似喪郭啊、費爺啊、老董啊佢哋都係你死鬼老豆啲手足，得閒就同佢哋斟下，無壞嘅。向寵條契弟雖然霎下霎下，但係死得佢又幾識撈，你死鬼老豆舊時都幾睇重佢嘎。有時間同佢飲下茶，有著數實會預埋你。知唔知點解先漢咁風生水起，就係因為班廢柴俾人斬晒！你死鬼老豆講番起真係喪到頭都白晒。 唔怕同你講，你世伯我原先係南陽耕田嘎咋，個勢立立亂，好彩就話執翻條命仔，撚都無撚過出嚟行。難得你死鬼老豆唔嫌我縮骨，日日嚟癡飯食，問哩問路，你老味仲煩過伯爺婆，我頂佢唔順唯有出嚟陪佢撈世界。後尾俾人踩場係我出去頂，俾大耳窿追數又係我出去頂，頂下頂下都成二十幾碌咯。 你個死鬼老豆知我有料，死唔斷氣都要交晒啲生意俾我。日又捱夜又捱，又驚死撈得唔好你老豆半夜返嚟搵我，咪喺五月份帶班o靚過大海，你老味嗰度毛都唔多條！家下好啦，南邊個場俾我哋擺平左，班契弟又搵晒架撐，你好去劈友喇。邊條仆街唔死遠就斬開佢幾十碌，掟落咸水海喂鯊魚，將我地個場攞晒返嚟。嗱，你死鬼老豆就交帶我咁多嘞，其他你去搵我之前講嗰幾條友啦。 世侄，我幫你劈埋今次友，撈唔掂你就捉我去祭旗。如果個場口唔夠旺，就去刁臭喪郭果幾條茂利。其餘你食自己啦！ 我就走嘎啦，寫呢篇嘢真係寫到成殼眼淚鼻涕，都唔知寫緊乜，你自己執生。 諸葛亮《出師表》原文 臣亮言：先帝創業未半而中道崩殂，今天下三分，益州疲弊，此誠危急存亡之秋也。然侍衛之臣不懈於內，忠志之士忘身於外者，蓋追先帝之殊遇，欲報之於陛下也。誠宜開張聖聽，以光先帝遺德，恢弘志士之氣，不宜妄自菲薄，引喻失義，以塞忠諫之路也。 宮中府中，俱為一體，陟罰臧否，不宜異同。若有作姦犯科及為忠善者，宜付有司論其刑賞，以昭陛下平明之理，不宜偏私，使內外異法也。 侍中､侍郎郭攸之､費禕､董允等，此皆良實，志慮忠純，是以先帝簡拔以遺陛下。愚以為宮中之事，事無大小，悉以咨之，然後施行，必能裨補闕漏，有所廣益。 將軍向寵，性行淑均，曉暢軍事，試用於昔日，先帝稱之曰能，是以眾議舉寵為督。愚以為營中之事，悉以咨之，必能使行陳和睦，優劣得所。 親賢臣，遠小人，此先漢所以興隆也；親小人，遠賢臣，此後漢所以傾頹也。先帝在時，每與臣論此事，未嘗不歎息痛恨於桓､靈也。侍中､尚書､長史､參軍，此悉貞良死節之臣，願陛下親之信之，則漢室之隆，可計日而待也。 臣本布衣，躬耕於南陽，苟全性命於亂世，不求聞達於諸侯。先帝不以臣卑鄙，猥自枉屈，三顧臣於草廬之中，諮臣以當世之事，由是感激，遂許先帝以驅馳。後值傾覆，受任於敗軍之際，奉命於危難之閒，爾來二十有一年矣。先帝知臣謹慎，故臨崩寄臣以大事也。受命以來，夙夜憂勤，恐託付不效，以傷先帝之明，故五月渡瀘，深入不毛。今南方已定，兵甲已足，當獎率三軍，北定中原，庶竭駑鈍，攘除姦凶，興復漢室，還于舊都。此臣所以報先帝，而忠陛下之職分也。至於斟酌損益，進盡忠言，則攸之､禕､允之任也。 願陛下託臣以討賊興復之效；不效，則治臣之罪，以告先帝之靈。若無興德之言，則責攸之､禕､允等之咎，以彰其慢。陛下亦宜自謀，以諮諏善道，察納雅言，深追先帝遺詔。臣不勝受恩感激，今當遠離，臨表涕泣，不知所云。

比利仔

	似流氓版出師表

關二哥

	比利仔 發表於 2013-11-26 22:04 似流氓版出師表 應該叫做「劈友表」

比利仔

	（警告：內含租言穢語）?????? 幾$租？

仲尼

	痴孖筋

阿史那真諾

	我覺得唔應該用「世姪」，在舊電影中幫人打工的老伙記是用「大少」來稱呼。 如果是在黑社會，我覺得用「斗少」比較好些。

馬仔

	《劈友表》！勁！