初三晚上,畀一陣喧鬧聲整醒,朦朦朧朧咁起身四圍睇下,屋內一切平靜,老豆早就熄左電視無再睇新聞(通常都係睇到凌晨一點左右)~當時應該係凌晨三點幾~仲以為係開到啲咩電視聲,或者係老媽訓唔著係房上網睇YOUTUBE嘅聲~不過搵極都唔係~我就傻下傻下去左個廁所~本來都無理架啦~返到房上床再訓~頂!繼續咁嘈~於是我就起身掀開窗簾四圍望啦~又係乜都無喎~於是我就開左床尾盞燈,坐定定去聽下啲聲~結果發現~聲音係有啲好似有啲回音咁~而且唔係窗外,而係近大門口~即係話啲聲係門外走廊傳出~但我又諗~無理由丫~咁咪真係全世界都嘈醒囉!
奇就奇在~或者係個人眼訓好攰~心裡面無端端唸左幾句經文~個世界突然間靜哂~乜話?竟然係啲老友開派對!
既然都靜哂囉~於是訓到大天光~
|