具現化身

yinghey

	２月尾某一個Ｐ更，就遇上「化身」嘅經歷，差啲嚇親另一個同事。 話說當晚９點左右，因為當晚有個舍友扭計我就去左跟進，搞掂完之後就出左走廊，走廊盡頭其實係男士禁地，兩邊都係女房，當時個邊已經熄哂燈，但就係盡頭位我就見到一個戴住頭盔嘅男舍友企左係度。呢個舍友一向好鍾意入女房偷地燈或者插蘇，我就喝住佢，但佢都係走左入房，因而驚動到正係男廁清潔嘅女同事。當我一路行一路吩咐佢入女廁幫我睇下佢係邊時，我同時去到兩間女房嘅門前，點知一個人都無！全部女舍友都係床上面無人出過黎～正當個女同事話「無人喎，無理由架，我而家做緊清潔，出面個閘早就鎖起左，佢唔可能入到黎，你唔好嚇我喎」～話語剛落，我就從度閘個玻璃見到個男舍友一直都係大廳無入過黎～我當時都好懷疑見到嘅係Ｄ乜～因為佢行路竟然一Ｄ聲都無～但我明明見佢拎住裝有膠波嘅膠袋～行起上黎又點會無摩擦出黎嘅聲響呢？ 我同個女同事你眼望我眼，我即刻就話「無事無事，你繼續做野」～呢次我真係見到有好兄弟竟敢幻化成我地Ｄ舍友！我之後曾同Ｄ同事講要留意多Ｄ，因為咁樣化身好可能會有麻煩事發生～結果係２月尾３月頭啲仔分別入院同出院～麻煩纏身～ 其實呢種怪事我以前都聽過Ｄ老鬼講係有發生過～當年個同事當夜～亦因為有兄弟「化身」而發現佢無腳～嚇到佢成晚唔敢出黎直到天光～

關二哥

	你有幻覺？

仲尼

	曬多D太陽