好難實行 但係香港社會需要討論 需要研究港獨 研究點樣獨立 如何生存 甚至如何達致哩個目的
我知道現實係好殘酷 但如果我地眼前覺得無可能 就唔去傾 唔去諗的話 香港就無左一條出路
甘地喺印度搞獨立運動嘅時候 好多人都覺得佢癡線 大英帝國咁厲害 我地點樣鬥得贏事頭婆啊 又或者好多人講 印度本身就好多問題 好難獨立gah woh 獨立之後一定衰過宜家英國人管治啦
甘地都無諗過有朝一日佢可以帶領印度獨立 even好多人覺得印度獨立無可能 但係咁多年黎 印度人無放棄爭取過獨立
1.包括派兵參戰換取英國承認獨立
2.包括甘地同國內伊斯蘭教領袖真臘討論大印度斯坦方案或者其他possible嘅獨立方案
3.勾結日本,擊退英軍,換取獨立
佢地知道無可能 但係佢地唔會放棄爭取獨立自由嘅機會 哩個就係唔同嘅地方 當然印度同香港都係無得比較 但係香港人要拋棄港獨哩個taboo 正如性教育一樣 我地一日無拋棄性哩個禁忌 性教育毫無寸進 只會發生好多因為性無知而衍生嘅問題
同樣地,香港搵唔到出路,係咪真係一條路都無?定係其實有啲路我地無討論過,又或者唔夠膽討論呢?宜家嘅情況大家都知道無可能聽日就可以獨立,因為大家都唔知道可以點樣獨立。亦都因為大家都唔知道,唔識得可以點樣,論述唔全面,所以大家先更加需要討論。