分享孩提時代嘅不確定經歷
我大約７歲就搬左入將軍澳～呢個地方初初畀我印象～好靜、周圍都係樹好鄉下～因為以前住開平房又係市區～突然搬上高樓大廈～生寶床經常好早起身～我仲記得開荒牛時代凌晨５點幾～將軍澳村會有雞啼叫～不過個陣時我最怕唔係靜～而係一到夜晚大家訓覺嘅時候～我仲有啲印象我成日要開燈訓（所以之後一直都係咁～直至高中～）
係～開燈又浪費電力～我阿媽成日都會話我～佢地都知我怕黑怕鬼～但佢地又唔係好信呢味野～所以就無乜理我～
我諗我９歲之前～係將軍澳嘅呢間屋～一到夜晚我係驚～雖然呢種現象唔係時常見～但總會擔心邊一晚會出現～而家諗返起～我會覺得都幾搞笑～實情黎講～比起而家所見所感嘅～咪仲得人驚～
第一次見到係搬入去一個禮拜左右～好奇怪～當一熄燈～我就會見到成屋嘅地下都會有啲肉色嘅物體「典下典下」，唔係一件～係好多件～我一見到呢種情景我就大喊～起初我阿爸以為我發惡夢～咁就無乜理到～
但之後呢～久唔久就會又見到～有次仲誇張～成家人就訓～房燈仍未熄我就見到～一見到我就跳上阿爸阿媽張床～係咁講「地下有好多野」～我仲記我我阿爸你度笑住問「都冇野～你見到啲乜啊？」～我只係話「好多蟲」～我阿媽以為係指蟑螂～於是無理我～叫我返去訓～我一直拎拎頭～直至佢行過黎地下啲「肉色物體」就消失～
總之９歲之前～間歇性遇上呢啲情景～當時講出黎都無乜人信～而且我仲細～未係好意識到見到嘅呢啲係咪就係鬼～所以我到而家都唔係好確定為靈異事件～我只會話９歲北角幸福樓單野先係我第一次意識知道見鬼～
到中學時代～睇番啲香港史嘅書～曾經有傳聞指～當時日本仔去到戰爭後期搞嘅歸鄉政策～因為物資短缺就隨便係街捉人上船～送到將軍澳對出嘅照鏡環推落海（呢段野至今都無人證實）～正因為咁～我就諗番起細個個陣所見到嘅會唔會就係死左嘅人？
我到個陣肯定嘅係～個啲肉色物體～其實係人嘅軀體黎～ 將軍澳係陰地？ 馬仔 發表於 2018-9-2 20:40
將軍澳係陰地？
一向都陰～樹林多～山頭又多～
頁:
[1]